Toshkent osmonida nomaʼlum yorqin jism kuzatildi

Oʻzbekiston Fanlar akademiyasi Astronomiya instituti mutaxassislari dastlabki oʻrganishlarni olib bordi.

Hozirgi vaqtda bu hodisaning meteorit tushishi yoki boshqa tabiiy yoki texnogen manba bilan bogʻliqligi rasman tasdiqlanmagan. Yer yuzasiga yetgan qoldiqlar mavjud boʻlmasa, aniq xulosa berish imkonsiz.

Maʼlumot uchun: meteoritlar – Quyosh tizimida harakatlanuvchi kichik qattiq jismlar boʻlib, atmosferaga kirganda yorqin iz qoldirib, meteor deb ataladi. Atmosferada toʻliq yonib ketmay Yer yuzasiga yetib kelganlari meteorit hisoblanadi.

Ilmiy hisob-kitoblarga koʻra, Yer atmosferasiga sutkada millionlab mayda kosmik zarralar kiradi, ularning koʻpchiligi yonib ketadi. Yer yuzasiga yetib keladigan meteoritlarning umumiy massasi kunlik bir necha oʻn tonnaga teng. Katta meteoritlarning aholi yashash hududlariga tushishi esa juda kam uchraydigan hodisa.