HAMAS delegatsiyasi Qohirani tark etdi va Gʻazoda sulh tuzish taklifiga javob tayyorlamoqda

Bir necha oydirki, Misr, Qatar va Qoʻshma Shtatlar Gʻazo sektorida sulh va garovga olinganlarni ozod qilish boʻyicha Hamas va Isroil oʻrtasida yangi kelishuvni taʼminlash uchun vositachilik harakatlari bilan shugʻullanmoqda.

Dushanba kuni kechqurun Misr prezidenti Abdulfattoh as-Sisi va AQSh prezidenti Jozef Bayden telefon orqali Gʻazo sektori janubidagi Rafah shahrida harbiy harakatlarning kuchayishi xavfini muhokama qildi.

Ikki yetakchi Gʻazo sektorida tinchlikka erishish, oʻt ochishni toʻxtatish va asirlar almashinuviga oid soʻnggi oʻzgarishlarni muhokama qildi.

Ular mojaroning kengayishiga yoʻl qoʻymaslikka harakat qilish zarurligini taʼkidladilar va mintaqada xavfsizlik, tinchlik va barqarorlikka erishish uchun “ikki xalq uchun ikki davlat” tamoyilini amalga oshirish muhimligini yana bir bor tasdiqladilar.