Ikki viloyatda energiya resurslaridan qarzdorlikni yoʻq qilib berishni vaʼda berganlar ushlandi

Dastlabki holatda "Bulungʻur Tumangaz" gaz taʼminoti boʻlimi gazchisi fuqaro M.B.ning xonadonida koʻrik davomida tabiiy gaz taʼminotidan aniqlangan 1,6 mln soʻm zararni 14 mln soʻm ekanligini aytib, goʻyoki ushbu zarar miqdorini kamaytirib berishi evaziga M.B.dan 4,4 mln soʻmni olgan vaqtida ashyoviy dalillar bilan ushlangan. 

Keyingi holatda esa Olmaliq shahar ETK hisobchisi Z.A. fuqaro D.N.ning "Doʻstlik" MFYdagi uyining elektr taʼminotidan 5 mln soʻm qarzdorligini yoʻq qilib berishi evaziga 3 mln soʻmni olgan vaqtida ashyoviy dalillar bilan qoʻlga tushgan. 

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.