Икки вилоятда энергия ресурсларидан қарздорликни йўқ қилиб беришни ваъда берганлар ушланди

Дастлабки ҳолатда "Булунғур Тумангаз" газ таъминоти бўлими газчиси фуқаро М.Б.нинг хонадонида кўрик давомида табиий газ таъминотидан аниқланган 1,6 млн сўм зарарни 14 млн сўм эканлигини айтиб, гўёки ушбу зарар миқдорини камайтириб бериши эвазига М.Б.дан 4,4 млн сўмни олган вақтида ашёвий далиллар билан ушланган. 

Кейинги ҳолатда эса Олмалиқ шаҳар ЭТК ҳисобчиси З.А. фуқаро Д.Н.нинг "Дўстлик" МФЙдаги уйининг электр таъминотидан 5 млн сўм қарздорлигини йўқ қилиб бериши эвазига 3 млн сўмни олган вақтида ашёвий далиллар билан қўлга тушган. 

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.