Buxoroda 1800 dan ortiq ko‘p yillik daraxt ko‘chirib o‘tqazilmoqda

Unga ko‘ra, A-380 "G‘uzor – Buxoro – Nukus – Beynau" avtomobil yo‘lining 218-228 km (20 km) qismida rekonstruksiya qilish loyihasi doirasida qurilish ta’sir doirasiga tushgan jami 1824 tup mevali hamda manzarali daraxtlar qonunchilik talablari asosida boshqa hududlarga ko‘chirib o‘tqazilmoqda.

"Ushbu jarayon O‘zbekiston Respublikasi Vazirlar Mahkamasining 2022-yil 22-avgustdagi 464-sonli qarorining 5-bob 33-bandiga muvofiq amalga oshirilayotganligini ma’lum qilamiz", deyiladi izohda.

Qayd etilishicha, 1824 tup daraxtning 151 tupi Boqiy Buxoro majmuasi hamda Yangi O‘zbekiston bog‘iga ko‘chirib o‘tqazilgan.

"A-380 "G‘uzor – Buxoro – Nukus – Beynau" yo‘lida rekonstruksiya ishlari bosqichma-bosqich amalga oshirilmoqda. Ushbu jarayon davomida loyiha doirasiga tushgan barcha daraxtlar ekologik talablar va amaldagi qonunchilikka muvofiq ravishda yangi joylarga ko‘chirib o‘tqazilishi ta’minlanadi", deya va’da bermoqda Buxoro Ekologiya boshqarmasi.