Cobalt sotuvlari quladi: UzAuto Motors avtokredit shartlarini yumshatmoqda

Bu qaror bozorda Cobalt sotuvlari pasayib borayotgan bir paytga to‘g‘ri keldi.

Ishlab chiqarish oshdi, ammo sotuvlar kamaydi

Rasmiy ma’lumotlarga ko‘ra, 2026-yilning yanvar—may oylarida:

   Cobalt sotuvlari 35,4 foizga qisqarib, 35 245 donani tashkil qildi;
   ishlab chiqarish esa 17,7 foizga o‘sib, 69 mingtadan oshdi.

Bu esa UzAuto Motors mazkur davrda ishlab chiqargan Cobalt avtomobillarining taxminan yarminigina sota olganini anglatadi.

Nega talab pasaymoqda?

Ekspertlar fikricha, bunga bir nechta omil ta’sir qilmoqda:

   bozorda yangi avtomobil modellari sonining ko‘payishi;
   Xitoy elektromobillarining faol kirib kelishi;
   elektromobillar uchun zaryadlash infratuzilmasining kengayishi;
   xaridorlarning tanlov imkoniyatlari ortishi.

Avval o‘rta narx segmentida deyarli raqobatsiz bo‘lgan Cobalt bugun endilikda yagona tanlov emas. Ko‘plab xaridorlar biroz qimmatroq bo‘lsa ham, zamonaviy texnologiyalarga ega yangi modellar yoki elektromobillarni afzal ko‘rmoqda.

Foizsiz avtokredit ham taklif qilinishi mumkinmi?

Kompaniyaning avtokredit shartlarini yumshatishi bozordagi talabni rag‘batlantirishga qaratilgan qadam sifatida baholanmoqda.

Agar sotuvlar kutilgan darajada tiklanmasa, kelgusida Cobalt uchun yanada imtiyozli, hatto foizsiz avtokredit dasturlari ham taklif qilinishi ehtimoldan xoli emas.

Maftuna Baxtiyorova