Cobalt сотувлари қулади: UzAuto Motors автокредит шартларини юмшатмоқда

Бу қарор бозорда Cobalt сотувлари пасайиб бораётган бир пайтга тўғри келди.

Ишлаб чиқариш ошди, аммо сотувлар камайди

Расмий маълумотларга кўра, 2026 йилнинг январь—май ойларида:

• Cobalt сотувлари 35,4 фоизга қисқариб, 35 245 донани ташкил қилди;
• ишлаб чиқариш эса 17,7 фоизга ўсиб, 69 мингтадан ошди.

Бу эса UzAuto Motors мазкур даврда ишлаб чиқарган Cobalt автомобилларининг тахминан ярминигина сота олганини англатади.

Нега талаб пасаймоқда?

Экспертлар фикрича, бунга бир нечта омил таъсир қилмоқда:

• бозорда янги автомобиль моделлари сонининг кўпайиши;
• Хитой электромобилларининг фаол кириб келиши;
• электромобиллар учун зарядлаш инфратузилмасининг кенгайиши;
• харидорларнинг танлов имкониятлари ортиши.

Аввал ўрта нарх сегментида деярли рақобатсиз бўлган Cobalt бугун эндиликда ягона танлов эмас. Кўплаб харидорлар бироз қимматроқ бўлса ҳам, замонавий технологияларга эга янги моделлар ёки электромобилларни афзал кўрмоқда.

Фоизсиз автокредит ҳам таклиф қилиниши мумкинми?

Компаниянинг автокредит шартларини юмшатиши бозордаги талабни рағбатлантиришга қаратилган қадам сифатида баҳоланмоқда.

Агар сотувлар кутилган даражада тикланмаса, келгусида Cobalt учун янада имтиёзли, ҳатто фоизсиз автокредит дастурлари ҳам таклиф қилиниши эҳтимолдан холи эмас.

Мафтуна Бахтиёрова