Isroil urushni tugatish shartlarini maʼlum qildi

Asosiy shart sifatida Tehronning oʻz siyosiy yoʻnalishini oʻzgartirishi koʻrsatilgan. Biroq diplomat mazkur oʻzgarish amalda nimani anglatishini aniqlashtirmagan.

Kuzatuvchilar bu bayonotni bir nechta omillar bilan izohlamoqda. Jumladan, Benyamin Netanyaxuning siyosiy pozitsiyalari zaiflashgani haqidagi qarashlar mavjud boʻlib, bu holat Isroil siyosiy elitasi ichida xavotir uygʻotgan boʻlishi mumkin. Shuningdek, xalqaro bozorda neft narxlarining keskin oʻsishi va ularni pasaytirish imkoniyatlarining cheklangani ham vaziyatga taʼsir koʻrsatmoqda.

Ayniqsa, Hurmuz bugʻozi atrofidagi keskinlik va xavflar global neft taʼminotiga tahdid solmoqda. Bu esa neft importiga qaram boʻlgan Isroil iqtisodiyotiga ham bosim oʻtkazyapti. Mamlakat oʻz ehtiyojlari uchun neftning katta qismini chetdan, jumladan Misr va AQShdan xarid qiladi. Shu sababli narxlarning yuqori darajada saqlanib qolishi iqtisodiy qiyinchiliklar xavfini kuchaytirmoqda.

Ushbu omillar yigʻindisi Isroilning pozitsiyasida muayyan yumshashga olib kelgan boʻlishi mumkin.