5 kunda ming kishini oʻldirgan «Al Fashir qassobi» qoʻlga olindi

Sudanda 2024 yil may oyidan beri qattiq qamalda turgan Al Fashir shahri yaqinda Birlashgan Arab Amirliklari (BAA) tomonidan qoʻllab-quvvatlanayotgan HDK (Hizli Dastak Kuchlari) kuchlari tomonidan egallandi. 26 oktabr kuni amalga oshirilgan hujumlardan soʻng shahar ustidan toʻliq nazorat oʻrnatildi va ortidan ommaviy qirgʻinlar boshlandi.

Sudan armiyasining muhim tayanchi boʻlgan Al Fashirni HDK bosib olgach, shaharda tinch aholiga qarshi vahshiyona harakatlar sodir etilgani haqida xabarlar tarqagan. Guvohlarning soʻzlariga koʻra, erkaklar oʻqqa tutilgan, ayollar esa asirga olingan. Maʼlumotlar cheklangan boʻlishiga qaramay, hozircha kamida 2 ming kishi oʻldirilganligi haqida xabarlar mavjud.

Sudandagi fuqarolarga qarshi qirgʻinlar ortida turganlardan biri sifatida tanilgan, «Abu Lulu» laqabli Fatix Abdulla Idris haqida yangicha tafsilotlar paydo boʻldi. Ijtimoiy tarmoqlarda tarqalgan qatl videolarida koʻp marta koʻrsatilgan va Al Fashirdagi shafqatsizliklarning ramziga aylangan Abu Lulu nihoyat qoʻlga olindi.

Sudan OAVlariga koʻra, u «Al Fashir qassobi» sifatida mashhur boʻlib hozirda qamoqxonaga yuborilgan.

HDK matbuot kotibi Al-Fatix Kureyshi maʼlum qilishicha, Abu Lulunung hibsga olinishi yuqori qoʻmondonlikning bevosita koʻrsatmasi asosida amalga oshirilgan.

Tergov jarayonida aniqlanishicha, Abu Lulu bir videoyozuvda faqat Al Fashirning oʻzida ming kishini oʻldirganini faxr bilan aytgan.