AQSh federal hukumatining yopilishi iqtisodiyotga kuniga 15 milliard dollar zarar keltirishi mumkin

Bessent bu haqda Vashington shahrida CNBC telekanali tomonidan tashkil etilgan «Amerikaga investitsiyalar» forumida soʻzlar ekan, prezident Donald Trampning iqtisodiy siyosatini qoʻllab-quvvatladi hamda federal hukumat faoliyatini tiklash zarurligini taʼkidladi.

“Bizdagi yagona toʻsiq — federal hukumatning yopilishi. Bu jarayon iqtisodiyotga sezilarli taʼsir koʻrsatmoqda”, — dedi u.

Vazirning soʻzlariga koʻra, ayni paytda armiya xizmatchilariga maosh toʻlanishi davom etmoqda, chunki Pentagon zarur mablagʻlarni ajrata olayotgani qayd etildi. Shu bilan birga, u hukumat faoliyatining toʻxtashi mehnat bozoriga salbiy taʼsir koʻrsatishi, kichik biznesda ishonch darajasi pasayganini ham taʼkidladi.

Bessentning taʼkidlashicha, “hukumat yopilishi iqtisodiyot uchun jiddiy sinov boʻlib, iqtisodiy oʻsishga toʻsiq boʻlayotgan omillardan biriga aylandi”.

Eslatib oʻtamiz, AQSh federal hukumati 1 oktabrdan boshlab yopilgan. Bu Kongress yangi moliyaviy yil uchun vaqtinchalik byudjetni oʻz vaqtida tasdiqlay olmagani bilan bogʻliq.