AQSh qochqinlar qabul qilish limitini keskin qisqartirmoqda

Tramp maʼmuriyatining rasmiy izohida aytilishicha, asosiy ustuvorlik «din yoki irq asosida taʼqibga uchrayotgan shaxslarga, jumladan Janubiy Afrika Respublikasida (JAR) faoliyat yuritayotgan oq tanli fermerlarga beriladi».

Maʼlumot uchun, 2024 yilda Jo Bayden maʼmuriyati yillik kvotani 125 ming kishi etib belgilagan edi. Tramp esa oʻzining ilk prezidentlik muddatida, yaʼni 2020 yilda, bu miqdorni 15 mingga tushirgan.

Tramp maʼmuriyati yangi farmon kuchga kirgan birinchi kundayoq AQSh qochqinlar dasturini vaqtincha toʻxtatganini maʼlum qildi. Shu sababli, mamlakatga faqatgina cheklangan miqdorda qochqinlar qabul qilingan — asosan JARdan kelgan afrikaliklar, yaʼni XVII asrda Yevropadan Afrikaga koʻchib kelgan kolonizatorlar avlodlari.

Janubiy Afrika hukumati Tramp maʼmuriyatining daʼvolarini rad etdi. Keyptaundagi rasmiy bayonotda taʼkidlanishicha, mamlakatda irqiy kamsitishga asoslangan davlat siyosati yoʻq, fermerlarga nisbatan zoʻravonlik holatlari jinoyatchilikning umumiy darajasi bilan bogʻliq.