"Crocus City Hall" da teraktni uyushtirishda ayblanayotganlar teraktdan soʻng vaʼda qilingan mukofotni olish uchun Kiyevga yoʻl olganliklarini tan olishdi — Rossiya Tergov qoʻmitasi

Avvalroq ijtimoiy tarmoqlarda teraktda ayblanayotganlarning ochiq-oydin qiynoqqa solingani aks etgan fotosuratlar va videolar paydo boʻlgan edi. Sud terakt ishi boʻyicha jarayonlarni yopiq shaklda oʻtkazishga qaror qilgan.

Rossiya rasmiylari hech qanday aniq dalil keltirmasdan, teraktda Ukrainaning "qoʻli" borligini qatʼiy taʼkidlamoqda. Shu bilan birga, hujum uchun javobgarlikni IShIDning "Viloyat Xuroson" boʻlimi rasman oʻz zimmasiga olganligi haqida eʼlon qilgan.

Kecha terakt ishi boʻyicha toʻqqizinchi ayblanuvchi ham hibsga olindi.

“Nazrimad Lutfulloiyga nisbatan 22-mayga qadar qamoqqa olish tarzidagi ehtiyot chorasi tayinlansin”, — deya sud qaroridan iqtibos keltiradi TASS.

Rossiya matbuoti xabar berishicha, asli tojikistonlik 24 yoshli Nazrimad Lutfulloi Moskvadagi “Shchelkovskaya” metro bekati yaqinidagi yotoqxonada yashagan. Xotini ham, farzandi ham, ishi ham yoʻq, lekin oliy maʼlumotli.