Rossiya Ukrainadagi Ozarbayjon obʼektiga zarba berdi

Qayd etilishicha, Rossiya tomonidan toʻgʻridan-toʻgʻri berilgan zarbalar natijasida yongʻin kelib chiqqan.

Hujum oqibatida barcha 17 ta rezervuar, nasos stansiyasi, texnik inshootlar, operatorlik va tarozi xonalariga zarar yetgan. Neft bazasining umumiy sigʻimi 16 ming kub metrdan ortiq.

Hozirda yetkazilgan zarar miqdori aniqlanmoqda (ekspertiza boshlangan), hamda tiklash ishlari olib olib borilmoqda.

Maʼlum boʻlishicha, Rossiyaning Ukrainadagi Ozarbayjon obʼektlariga ikkinchi marotaba zarba berishi. Avvalroq, 8 avgust kuni xuddi shu neft bazasida 10 ga yaqin UAV uchirilgan va qisman vayron boʻlgan edi. Mazkur holat yuzasidan jinoyat ishi qoʻzgʻatilgan.

Oʻsha vaqtda Ozarbayjon prezidenti Ilhom Aliyev esa Rossiyani mamlakat obʼektlariga “maqsadli zarba berish”da ayblagandi.

6 avgustga oʻtar kechasi esa Rossiya dronlari Odessa viloyatidagi “Orlovka” gaz kompressor stansiyasiga zarba berdi. Bu stansiya orqali Ozarbayjon Ukrainaga gaz yetkazib beradi.

Agar Rossiyaning “agressiv siyosati” toʻxtamasa, Ozarbayjon Ukrainaga qurol-yarogʻ yetkazib berishga qoʻyilgan embargoni bekor qilishi va mamlakatga qurol-yarogʻ yetkazishni davom ettirishi mumkin.