#Rossiya

Rossiya Davlat dumasi xorijlik ishchilar uchun majburiy tibbiy sugʻurta (MTS) polisini rasmiylashtirish talablarini qatʼiylashtiruvchi qonun loyihasini maʼqulladi. Yangi tartibga muvofiq, migrantlar MTS polisini olish uchun Rossiya hududida kamida 5 yillik mehnat stajiga ega boʻlishi shart boʻladi.

Qirgʻizistonda «Nomad» nomli yangi telekanal ishga tushmoqda. «Radio Ozattik» yozishicha, u Kreml tomonidan moliyalangan RT kanali va moldaviyalik biznesmen Ilan Shorga tegishli tuzilmalar bilan bogʻliq.

Mutaxassislarning ogohlantirishicha, bu yilgi qish soʻnggi 250 yil ichidagi eng sovuq mavsum boʻlishi ehtimoldan xoli emas. Markaziy va Volgaboʻyi hududlarida havo harorati –35°C gacha pasayishi, qor yogʻishi 400 millimetrgacha, shamol esa soniyasiga 22 metr tezlikda etishi kutilmoqda.

Rossiyada xorijiy haydovchilik guvohnomalariga oid yangi cheklovlar joriy etilishi kutilmoqda.  Rossiya faqat rus tili rasmiy maqomga ega boʻlgan davlatlarda berilgan haydovchilik guvohnomalarini tan oladi. Yaʼni rus tili ushbu mamlakatda asosiy, ikkinchi yoki uchinchi davlat tili sifatida eʼtirof etilgan boʻlishi shart. 

Muhojirlarning taksichilik faoliyati bilan shugʻullanishiga taqiq kuchga kirgan kuniyoq shaharda taksi narxlari 30 foizgacha oshgani xabar qilindi. Tahlilchilarga koʻra, bu holat shundoq ham kadrlar yetishmovchiligi bor boʻlgan taksi va kurerlik sohasidagi vaziyatni yanada ogʻirlashtirdi.

Rossiya 1 noyabr kuni Ukrainada elita harbiylarini taqdirlash marosimi paytida raketa uchirgan. Natijada bir necha ukrainalik askar halok boʻlgan va yaralangan.  Bundan tashqari, toʻrt nafar tinch aholi, jumladan 11 va 14 yoshli bolalar ham vafot etgan, yana olti kishi yaralangan. Bu haqda The Telegraph nashri xabar berdi.

3 noyabrdan boshlab Sankt-Peterburgda xorijiy fuqarolarning kurerlik sohasida ishlashiga cheklov qoʻyildi. Qaror asosan patent bilan ishlayotgan Ozarboyjon, Oʻzbekiston, Tojikiston, Moldova va Ukraina fuqarolariga tegishli. Biroq, bu qarorning iqtisodiy natijalari — logistika tizimidagi izdan chiqishlar va yetkazib berish xizmatlarining sekinlashishi — yaqin oylarda oʻzini sezdirishi mumkin.

Turkiyaning yirik neft qayta ishlash korxonalari xalqaro sanksiyalar fonida Rossiya neftini sotib olishni qisqartirib, uning oʻrniga Qozogʻiston va Erondan neft xaridini koʻpaytirmoqda. Bu haqda Reuters manbalarga tayanib xabar berdi.

2024 yilgacha muhim logistik markaz boʻlib kelgan Pokrovsk agar qoʻldan ketsa, Rossiya qoʻshinlari uchun yangi hujum yoʻllari ochiladi.  RF Qurolli kuchlarining kichik boʻlinmalari Ukraina armiyasidagi jangchilar yetishmasligidan foydalanib, shaharga kirishni boshlagani aytilmoqda.

Trampning yangi sanksiyalari Rossiya bilan munosabatlarni yanada keskinlashtirdi. Hindiston Rossiya nefti importlarini qisqartira boshlagach, “Rosneft” va “Lukoyl” aksiyalarida katta muammolar yuzaga kelmoqda.

Sergey Mironov Latviyada rusiyzabonlarni chiqarishni “fashizm” deb atadi. Rossiyada qonunbuzar migrantlarni esa nafaqat oʻzi, balki butun oilasi bilan deportatsiya qilish tarafdori. Shuningdek, Mironov Rossiyaga mehnat migrantlari faqat vaxta usulida kelishi, ularning oilalari esa mamlakatga kiritilmasligi lozimligini bildirdi.

Rossiya Savdo-sanoat palatasi vitse-prezidenti Yelena Dibova maʼlumotlariga koʻra, qamoqxonadagi shaxslar 2019 yilda oyiga oʻrtacha 14,7 ming rubl olgan. Hozirgi vaqtda ularning oyligi 33 ming rublga yetgan. Shu tariqa mahkumlarning maoshi 125 foizga oshgan. Bu vaqtda mamlakatdagi oʻqituvchilarning oyligi 20 ming rublga ham yetmaydi.