Rossiya Ukraina–Polşa çegarasi yaqinida yólovçi poyezdiga dronlar bilan zarba berdi

Ukraina OAVlari tarqatgan foto va videolarda AZSda küçli yonǵin boşlangani, yaqin atrofda turgan yuk maşinalari ham yonib ketgani kórinadi. «Suspilne» maʼlumotiga kóra, ikki nafar haydovçi jabrlangan. Şuningdek, supermarket binosiga ham zarar yetgan.

Rossiya qóşinlari Polşa çegarasidan taxminan ikki kilometr uzoqlikdagi yólovçi poyezdi lokomotiviga ham zarba bergan. «Ukrzaliznitsya»ning bildirişiça, poyezd brigadasi hujum xavfi haqida oldindan ogohlantirilgani sabab qurbonlar bólmagan.

Ukraina temir yóllari rahbari Aleksandr Pertsovskiy Rossiya qóşinlari ikkinçi kun davomida depo, stansiyalar va harakat tarkibini nişonga olayotganini aytgan.

Hujumlar oqibatida mamlakat bóylab poyezdlar harakat jadvali buzilgan. Ayrim reyslar 9–10 soatga, Konotop–Jmerinka yónalişidagi poyezd esa 18 soatdan ortiq keçikayotgani xabar qilingan.

Ukraina taşqi işlar vaziri Andrey Sibiga çegara yaqinidagi zarbalarni «YEI va NATO eşigiga yetib kelgan terror» deb atab, Yevropa davlatlarini Rossiyaga nisbatan sanksiyalarni küçaytirişga çaqirgan.

Rossiya Mudofaa vazirligi esa Ukraina ǵarbida «Yevropa davlatlaridan harbiy yuklarni taşişni taʼminlaydigan temir yól infratuzilmasi obyektlari»ga zarbalar berilganini maʼlum qilgan.