Turkiyada yoʻlovchi avtobusi halokatga uchradi: qurbonlar bor

Antaliya viloyati gubernatori Xulusi Shahinning maʼlum qilishicha, hodisa Dyoshemealti tumani hududida yuz bergan. Tekerdagʻ viloyatidan Antaliya shahriga yoʻl olgan yoʻlovchi avtobusi burilish paytida haydovchi tomonidan boshqaruvni yoʻqotib, qiyalikka agʻdarilib ketgan.

Maʼlumotlarga koʻra, avtobus salonida jami 34 nafar yoʻlovchi boʻlgan. Hodisa natijasida ayrim yoʻlovchilar avtobus ichida va uning ostida qisilib qolgan. Ularni qutqarib olish ishlariga tezkor ravishda favqulodda xizmatlar jalb etilgan.

Gubernatorning taʼkidlashicha, jabrlanganlar orasida ahvoli ogʻir boʻlganlar ham bor. Halok boʻlganlarning barchasi Turkiya fuqarolari ekani maʼlum qilinmoqda.

Dastlabki taxminlarga koʻra, yoʻl-transport hodisasiga yogʻingarchilik sabab boʻlgan. Shuningdek, haydovchi burilishda tezlikni meʼyordan oshirgani ham aytib oʻtilmoqda. Holat yuzasidan tegishli tergov ishlari boshlangan, barcha tafsilotlar oʻrganilmoqda.