Javohir Sindarov bugungi musobaqada turkiyalik Yagiz Kaan Erdogmus qarshi oʻynaydi

Turnir 2025 yilning 20–26 may kunlari davomida oʻtkazilishi belgilangan boʻlib, unda 8 nafar grossmeyster yakka davra tizimida jami 7 ta turda qatnashmoqda.

Sindarov birinchi turda xitoylik Tan Zhongga qarshi oʻynab gʻalaba qozongan, ikkinchi turda esa AQShlik Ray Robson bilan durang natijaga erishgan. Ikki turdan soʻng hamyurtimiz 1,5 ochko bilan peshqadamlar qatorida bormoqda.

Hozircha turnir jadvalidagi yetakchilar quyidagilar:

Richard Rapport

Javohir Sindarov

Yagiz Kaan Erdogʻmus

Bugungi raqib Yagiz Kaan Erdogʻmus — Turkiyaning eng iqtidorli yosh grossmeysterlaridan biri boʻlib, 2023–2024 yillarda bir nechta xalqaro musobaqalarda yuqori natijalarni qayd etdi va FIDE reytingida tez surʼatda koʻtarilmoqda. U bilan oʻyin bugun,22 may Toshkent vaqti bilan 18:00 da boʻlib oʻtadi.

Turnir jadvaliga koʻra, Sindorovnihali 4 ta raqib bilan bahs kutmoqda. Ularning orasida eng yuqori reytingli raqibi — Vengriyalik Richard Rapport boʻlib, bu oʻyin musobaqa taqdirini hal qiluvchi bellashuvga aylanishi mumkin.