Koreyadagi yomgʻir oqibatida 17 kishi halok boʻldi

Kecha, 20 iyul kuni ertalab Seuldan sharqida joylashgan Geonggi viloyatidagi Gapeong tumani kurort shaharchasiga kuchli darajada yomgʻir yogʻishi natijasida sel keldi. Koʻchki uylarni bosib qoldi va sel oqimi transport vositalarini oqizib ketdi.

Qurbonlar soni ilgari bedarak yoʻqolgan deb hisoblanganlarning jasadlari topilishi bilan ortdi. Ularning koʻpchiligi koʻchkilarda oqib ketganligi xabar berildi.

Rasmiy maʼlumotlarga koʻra, besh kun davom etgan sel oqibatida halok boʻlganlar soni 17 kishini tashkil etdi. Olimlarning taʼkidlashicha, iqlim inqirozi butun dunyoda ekstremal ob-havo hodisalarini tez-tez va kuchliroq yuz berishiga sabab boʻlmoqda.

Yomgʻir chorshanba kuni boshlanib, asosan mamlakatning janubiy va markaziy qismlariga taʼsir koʻrsatdi. Yakshanba kuni ertalab shimoliy hududlar ham zarar koʻrgan.