Janubiy Koreyaning sobiq prezidenti hibsga olindi

Qayd etilishicha, bu Janubiy Koreya tarixida birinchi marta amaldagi prezidentni hibsga olish hisoblanadi. Yun Sok Yol qoʻlga olinganidan keyin soʻroq qilish uchun Seul shahri janubidagi Korrupsiya boʻyicha tergov byurosi ofisiga olib ketilgan. 

Soʻroqda Markaziy razvedka boshqarmasi boshligʻi oʻrinbosari Li Chje Seung, Yunning advokatlari va boshqa vakillari ishtirok etgan. 

Yun Sok Yol hibsga olinganida soʻng qilgan video murojaatida bu tergovni noqonuniy deb atagan. Uning aytishicha, qon toʻkilishining oldini olish uchun u tergov xonasiga kelishga rozi boʻlgan. 

Maʼlumot uchun, 2024 yilning 14 dekabr kuni Janubiy Koreya Milliy assambleyasi Yun Sok Yolga nisbatan impichment eʼlon qilinganidan soʻng u lavozimdan chetlashtirilgan esi. Hukumat uni hokimiyatni suiisteʼmol qilishda ayblamoqda. 

Shuningdek, Yun Sok Yolʼ oʻtgan yilning 3 dekabrga oʻtar kechasi harbiy holat eʼlon qilinganidan keyin deputatlarning farmonga ovoz berishini toʻxtatish uchun Milliy assambleyaga qoʻshin yuborganlikda ayblanmoqda. 

Hokimiyatdan chetlashtirilgan sobiq prezidentni hibsga olishga birinchi urinish 3 yanvar kuni sodir boʻlgan. Biroq oʻsha vaqtda Yun Sok Yolning qoʻriqchilari politsiyaga nisbatan qarshilik koʻrsatgan edi va uni hibsga olish rejasi muvaffaqiyatsiz tugagan edi.