Odamizod bu dunyodan o‘tib borar — Ibrohim G‘afurov vafot etdi

Yozuvchi tarjimon, tanqidchi Ibrohim G‘afurov 1937-yil 27-dekabrda Toshkentda hunarmand oilasida tug‘ilgan. 1956-1961-yillarda SAGU (hozirgi O‘zMU) ning filologiya fakultetida o‘qigan.

O‘zbekistonda xizmat ko‘rsatgan san’at arbobi — Ibrohim G‘afurovning ilk hikoya va maqolalari 1957-yilda nashr etila boshlagan.

1961-1982-yillarda Davlat badiiy adabiyot nashriyotida kichik muharrir, tahririyat mudiri, bosh muharrir o‘rinbosari lavozimlarida ishlagan.

1995-yilda “Milliy tiklanish” demokratik partiyasini tashkil etish tashabbuskori bo‘lgan. U mazkur partiyaning raisi (1996-yildan), “Milliy tiklanish” gazetasining bosh muharriri bo‘lgan.

Ibrohim G‘afurov 1980 — 2000 yillar istiqlol madaniyati, ma’naviyati, erkinlik va axloq, yangicha insoniy qarashlarning shakllanishi, onglarning uyg‘onishi haqida yozgan.

Jahon adabiyotini milliy o‘zbek adabiyoti bilan boyitib, unga katta hissa qo‘shgan.

1987 yil I. G‘afurov “O‘ttiz yilning izhori” kitobi uchun Davlat mukofoti sovrindori bo‘lgan.

1996 — 2005 yillar Oliy Majlis deputati.

1995-yil “Do‘stlik”, 2007-yil “Mehnat shuhrati” ordenlari bilan mukofotlangan.

2017-yil Ibrohim Usmonovich “O‘zbekiston Respublikasida xizmat ko‘rsatgan san’at arbobi” sharafli unvoniga loyiq topilgan va bu uning mehnati va iqtidori oldidagi yana bir iqrordir.

Uning kitoblari:

1. “Go‘zallikning olmos qirralari”. Adabiy o‘ylar, (1964)

2. “Unutilmagan bog‘. Usmon Nosir” (1967)

3. “Ona yurt kuychisi, Mirtemir” (1970)

4. “Joziba”. Adabiy-tanqidiy maqolalar, (1970)

5. “Yonar so‘z”. Adabiy-tanqidiy maqolalar (1973)

6. “Yam-yashil daraxt”. Adabiy-tanqidiy maqolalar (1975)

7. “O‘rtoq shoir”. Maqsud Shayxzoda lirikasi (1976)

8. “Yurak — alanga”. Adabiy-tanqidiy maqolalar (1980)

9. “Prozaning shoiri. Said Ahmad mahorati” (1981)

10. “Lirikaning yuragi”. Adabiy-tanqidiy maqolalar (1982)

11. “So‘zun ishig‘i”. Muosir o‘zbek adabiyoti haqinda. Baki (1979)

12. “She’riyat — izlanish demak”. Adabiy-tanqidiy ocherk (1984)

13. “O‘ttiz yilning izhori”. Ilmiy-tanqidiy risolalar (1987)

14. “Iltijo”. Mansuralar (1991)

15. “Dil erkinligi”. Mansuralar, badialar, hikoyalar (1998)

16. “Hayo — xaloskor”. Saylanma, mansuralar, risolalar (2006)

17. “Mangu latofat”. Saylanma, badialar (esselar), risolalar (2008)

18. “Tarjimonlik mutaxassisligiga kirish”. O‘quv qo‘llanma (2008)

19. “Tarjima nazariyasi” (O.Mo‘minov, N.Qambarov bilan hamkorlikda)

20. “Qur’on tarjimalari: Tajribalar”. Risola (2009)

21. “Hayot — xayol — xiyoboni” (Ibrohim G‘afurov safdoshlar va zamondoshlari zikrida) (2007)

Tarjimalari:

1. Ernst Xeminguey. “Chol va dengiz”, qissa.

2. Ernst Xeminguey. “Alvido, qurol”, roman.

3. Konst. Paustovskiy. “Olis yillar”, roman.

4. Vadim Kojevnikov. “Qilich va qalqon”, roman.

5. Mirzo Ibrohimov. “Bo‘ron qushi”, qissa.

6. Sulaymon Rahimov. “Mohitobon”, roman.

7. Mirzo Ibrohimov. “Parvona”, roman.

8. Gi de Mopassan. “Azizim”», roman.

9. Fedor Dostoyevskiy. “Jinoyat va jazo”, roman.

10. Fedor Dostoyevskiy. “Telba”, roman.

11. Fedor Dostoyevskiy. “Qimorboz”, roman.

12. Nozim Hikmat. “Surur”, roman.

13. Chingiz Aytmatov. “Qiyomat”, roman.

14. Chingiz Aytmatov. “Chingizxonning oq buluti”, qissa.

15. Hind eposi “Panchatantra”. Besh muqaddas kitob.

16. Konfutsiy. Hikmatlar.

17. A.Soljenitsin. Hikoyalar.

18. V.Rasputin. “Yong‘in”, qissa.

19. Edgar Po. Hikoyalar.

20. Folkner. Hikoyalar.

21. F.Nitshe. “Zardo‘sht tavallosi”, nasriy doston.

22. G.G.Markes. “Buzrukning kuzi”, roman.

23. Jeym Joys. “Uliss”, roman.

24. Ch.Aytmatov. “Qulayotgan tog‘lar”, roman.

25. F. Dostoyevskiy. “Iblislar”, roman.

Hujjatli badiiy filmlar senariylari:

1. “G‘afur G‘ulom”.

2. “Maqsud Shayxzoda”.

3. “Zulfiya”.

4. “Boborahim Mashrab”.

TVda turkumiy mualliflik ko‘rsatuvlari:

“Tafakkur yolqinlari”.

Paradigma tahririyati marhumning oila a’zolari, yaqinlari va jamiki muxlislariga hamdardlik bildiradi.