Muhammad Abunayyan: “Oʻz xalqini Siz kabi sevadigan davlat rahbarini uchratmadim”

Kuni kecha Oʻzbekiston prezidenti Shavkat Mirziyoyev ishtirokida Toshkent viloyatida yangi xalqaro aeroport qurilishiga tamal toshi qoʻyishga bagʻishlangan tantanali marosim boʻlib oʻtdi. Unda Saudiya Arabistonidan tashrif buyurgan yirik investor – «ACWA Power» kompaniyasi boshqaruvi raisi Muhammad Abunayyan ham soʻzga chiqib, Oʻzbekistonda amalga oshirilayotgan islohotlar haqida oʻz fikrlarini bildirdi. 

Ulashish:

Quyida uning nutqi eʼlon qilinmoqda.

Hurmatli Prezident Janobi Oliylari, muhtaram Saudiya Arabistoni investitsiyalar vaziri Xolid al-Falih janoblari, aziz hamkorlar va qadrli mehmonlar! 

Avvalo, barchangizga tinchlik, baraka va salomlar boʻlsin!

Sizlar soʻnggi sakkiz yilda yaqin hamkorlikda amalga oshirgan ishlarni boshqa mamlakatlar asrlar davomida ham bajara olmasligini bugun faqat bu yerda toʻplangan ishtirokchilarga emas, balki butun dunyoga namoyon etdingiz.

Chindan ham, bunday ulkan natijalarga dunyodagi birorta yetakchi shunday qisqa muddatda erishmogʻi juda qiyin.

Prezident Janobi Oliylari, men avval ham taʼkidlab aytganman: bu darajada katta oʻzgarishlarni amalga oshirgan yetakchilarning ikki nafarini bilaman. Birinchisi – Siz, Janobi Oliylari, ikkinchisi esa – Saudiya valiahdi, Bosh vazir Muhammad bin Salmon Hazrati Oliylaridir.

Oʻzbekistonda biz koʻrgan va guvohi boʻlgan barcha yutuqlar Sizning oʻz ishingizga boʻlgan buyuk ishonch-eʼtiqodingiz va fidokorona mehnatingiz samarasidir. Siz bu ishlarni xalqingiz va Vataningizga boʻlgan cheksiz mehr-muhabbatingiz tufayli amalga oshirmoqdasiz. 

Men dunyoning 24 ta davlati rahbarlari bilan muloqotda boʻldim. Lekin oʻz xalqini Siz kabi chin dildan sevadigan davlat rahbarini uchratmadim. Shuning uchun ham el-yurtingiz Sizni yaxshi koʻrib, boshiga koʻtarmoqda.

Men Siz bilan yigirma marta uchrashish baxtiga muyassar boʻlganman. Har bir uchrashuvdan oldin nutq tayyorlab, nimalarni aytish kerakligini obdan oʻylab olaman. Ammo har gal Sizning fikringiz, azmu shijoatingiz va amaliy ishlaringiz biznikidan ustun keladi. Siz doimo jadal harakat qilasiz, sidqidildan ishlaysiz va albatta natijaga erishasiz.

Siz mahalliy va xorijiy investorlarga katta eʼtibor qaratdingiz. Ular uchun teng imkoniyatlar yaratib berdingiz. Siz Oʻzbekistonni har bir kompaniya va davlat uchun eng yaxshi investitsiya makoniga aylantirdingiz.

Siz boshqaruv va shaffoflik asosida oʻtmishdan qolgan ogʻir merosni ortda qoldirdingiz va yangi tarix yaratdingiz.

Men 15 ta mamlakatda investitsiya loyihasini amalga oshirganman va 30 dan ziyod davlatda boʻlganman. Qayerga borsam ham “Yangi Oʻzbekiston” haqida eshitaman. Bu Yangi Oʻzbekiston – Sizning el-yurtingizga sadoqatingiz va tinimsiz mehnatingiz mahsuli.

Butun dunyo bugun Sizni kuzatmoqda, Sizdan oʻrganmoqda. Sizning rahnamoligingizda ishonchli hukumat va fidoiy jamoa kechayu kunduz mehnat qilmoqda. Men haftasiga yetti kun, kuniga 18-20 soat ishlaydigan hukumatni faqat Oʻzbekistonda va Saudiyada koʻrdim. Shuning uchun ham xalqingiz Sizni sevmoqda, investorlaringiz va koʻplab davlatlar Sizni hurmat qilmoqda. Dunyodan koʻp odamlar Oʻzbekistonga turist sifatida ham, doʻst sifatida ham, investor sifatida ham kelishni xohlaydi.

Oʻzbekistonning buyuk tarixi bor. Ayni vaqtda Sizning bugungi yutuqlaringiz ham muhim tarixiy ahamiyatga ega. Eng asosiysi, Siz hech qachon erishgan marrangizda toʻxtab qolmaysiz. Bugungi uchrashuvda ham Siz 30 milliard dollarlik loyihalar yakuniga yetkazilgani, keyingi yillarda esa yangi yoʻnalishlar boʻyicha yana ish olib borilishini aytdingiz.

Prezident Janobi Oliylari, Sizning asosiy maqsadingiz – xalqning hayot sifatini yaxshilash. Siz yoshlarga katta ishonch bilan qaraysiz. Yangi Oʻzbekistonning kuch-qudrati va kelajagi – aynan ana shunday iqtidorli yoshlardir.

Sakkiz yilda Yangi Oʻzbekiston uchun mustahkam poydevor qoʻyildi. Inshoolloh, keyingi yillarda Oʻzbekiston oʻz salohiyatini butun dunyoga yanada yaqqol namoyon etadi. Yangi Oʻzbekiston nimalarga qodir ekanini jahon albatta koʻradi.

Prezident Janobi Oliylari, bizga koʻrsatgan ishonchingiz uchun rahmat. Katta-katta ishlarga yetakchilik qilib kelayotganingizdan cheksiz minnatdormiz.

Mening ikki ustozim bor: biri – valiahd shahzoda, Bosh vazir Muhammad bin Salmon Hazrati Oliylari, ikkinchisi – Siz, Prezident Janobi Oliylari. Men Sizdan juda koʻp narsani oʻrgandim. Siz – mening ustozimsiz.

Yana bir bor katta rahmat Sizga!

Mavzuga oid yangiliklar

"Bugun dunyoda 1 milliard 100 million aholi kambagʻallikda umr kechirmoqda" - Mirziyoyev sammitda global muammolarga toʻxtaldi

Oʻzbekiston prezidenti Shavkat Mirziyoyev Doha shahrida boʻlib oʻtgan Ijtimoiy rivojlanish boʻyicha ikkinchi Jahon sammitida ishtirok etdi va bir qator muhim takliflarni ilgari surdi.

Jahon

04.11.2025, 15:41

Serbiya prezidenti Oʻzbekistonga keldi

Oʻzbekiston prezidenti Shavkat Mirziyoyevning taklifiga binoan Serbiya prezidenti Aleksandr Vuchich rafiqasi hamrohligida 28 oktabr kuni rasmiy tashrif bilan Oʻzbekistonga keldi.

Siyosat

28.10.2025, 11:33

Kelgusi yil uchun makroiqtisodiy koʻrsatkichlar va davlat byudjeti parametrlari muhokama qilindi

Prezident Shavkat Mirziyoyev rahbarligida kelgusi yil uchun asosiy makroiqtisodiy koʻrsatkichlar va davlat byudjeti parametrlariga bagʻishlangan yigʻilish boʻlib oʻtdi.

Iqtisodiyot

27.10.2025, 18:32

Oʻzbekiston prezidenti Belgiyaga tashrifini yakunladi

Oʻzbekiston Respublikasi prezidenti Shavkat Mirziyoyevning Belgiyaga rasmiy tashrifi yakunlandi.

Siyosat

25.10.2025, 06:57

Shavkat Mirziyoyev Belgiyaliklar qiroli bilan uchrashdi

Bryussel shahriga rasmiy tashrif doirasida Laken saroyida Oʻzbekiston Respublikasi prezidenti Shavkat Mirziyoyevning Belgiyaliklar qiroli Filipp bilan uchrashuvi boʻlib oʻtdi.

Siyosat

24.10.2025, 21:17

Oʻzbekiston va YeI munosabatlari yangi strategik bosqichga koʻtarildi

Bryusseldagi Yevropa kengashi qarorgohi — «Yevropa» binosida Oʻzbekiston Respublikasi prezidenti Shavkat Mirziyoyev Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen bilan uchrashdi.

Siyosat

24.10.2025, 16:59

So‘nggi yangiliklar

Gʻazo dunyodagi eng koʻp nogiron bolalar yashaydigan hududga aylandi

Gʻazo sektori dunyodagi eng koʻp nogiron bolalar yashaydigan hududga aylandi. 2023 yil oktabrda boshlangan Isroilning ikki yillik hujumlari davrida Gʻazoda 5 mingdan ortiq insonning qoʻli yoki oyogʻi amputatsiya qilindi. 2025 yil sentabr oyiga kelib, Gʻazoda 170 690 dan ortiq odam jarohatlangan. Ularning kamida toʻrtdan biri uzoq muddatli reabilitatsiyaga muhtoj. 

Jahon

11.11.2025, 11:38

«Sudda jabrlanuvchi emas, aybdorga oʻxshayman» — IIB xodimi kaltaklagan maktab direktori Saida Mirziyoyevaga videomurojaat yoʻlladi

Fargʻona viloyati Furqat tumanida ichki ishlar boʻlimi xodimlari tomonidan tahqirlangan va kaltaklangan maktab direktori Guliraʼno Qosimova 7 noyabr kuni boʻlib oʻtgan sud majlisida zaldan chiqarib yuborildi. U sud jarayonining xolis va adolatli oʻtmayotganidan norozi ekanini bildirib, prezident administratsiyasi rahbari Saida Mirziyoyevadan yordam soʻradi.

Oʻzbekiston

11.11.2025, 10:24

Ramazon oyi 2026 yil 19 fevraldan boshlanishi kutilmoqda

Qoʻshni Qozogʻistonda 2026 yil uchun diniy bayramlar taqvimi tasdiqlandi. Unda Ramazon, Qadr kechasi, Ramazon hayiti va Qurbon hayiti kunlari aks etgan.

Madaniy

11.11.2025, 09:23

Sankt-Peterburgda migrantlarga taqiq ortidan taksi narxlari oshdi

Muhojirlarning taksichilik faoliyati bilan shugʻullanishiga taqiq kuchga kirgan kuniyoq shaharda taksi narxlari 30 foizgacha oshgani xabar qilindi. Tahlilchilarga koʻra, bu holat shundoq ham kadrlar yetishmovchiligi bor boʻlgan taksi va kurerlik sohasidagi vaziyatni yanada ogʻirlashtirdi.

Jahon

10.11.2025, 17:53

Toshkentda OITS tarqatish maqsadida oʻrindiqlarga igna qoʻyib ketishyotgani rostmi?

Toshkent shahar Ichki ishlar bosh boshqarmasi (IIBB) ijtimoiy tarmoqlarda tarqalgan «OITS (SPID)ga chalingan shaxslar jamoat joylaridagi oʻrindiqlarga igna qoʻyib ketmoqda» degan xabarlar yuzasidan tekshiruv olib bordi. 

Oʻzbekiston

10.11.2025, 14:44

Aholi salomatligi narkojinoyatlardan himoya qilinadi

Aholi salomatligi va millat genofondini giyohvandlik hamda narkojinoyatlardan samarali himoya qilish boʻyicha kompleks chora-tadbirlarni nazarda tutuvchi Prezident farmoni imzolandi. Ayrim qilmishlar uchun 20 yilgacha ozodlikdan mahrum etish jazosi belgilanadi.

Siyosat

10.11.2025, 11:38

AQSh sogʻligʻi yomon boʻlgan shaxslarga viza berishni toʻxtatadi

AQSh hukumati ayrim kasalliklarga chalingan xorijlik fuqarolarga viza berishni cheklash haqidagi yangi siyosatni joriy etishni rejalashtirmoqda. Maʼlumotlarga koʻra, yangi tartibga binoan semizlik, diabet, saraton va yurak-qon tomir kasalliklariga chalingan shaxslar «ijtimoiy yuk» («public charge») deb baholanishi mumkin va ularning viza olish ehtimoli keskin pasayadi. 

Jahon

10.11.2025, 09:44

Oʻzbekiston va Ozarbayjon Ibrohim kelishuvlariga qoʻshilishi mumkin – Reuters

Tramp Oq uyda C5+1 formati doirasidagi besh davlat – Qozogʻiston, Qirgʻiziston, Tojikiston, Turkmaniston va Oʻzbekiston rahbarlari bilan uchrashuvda ayrim mamlakatlar tez orada Ibrohim kelishuvlariga qoʻshilishi mumkinligini aytib oʻtgan. Qozogʻiston ushbu kelishuvga qoʻshilganidan soʻng, Ozarbayjon hamda Oʻzbekiston ham kelgusida Ibrohim kelishuvlariga qoʻshilishi mumkin deb taxmin qilinmoqda. Shuningdek, manba xabarida ushbu davlatlarning Isroil bilan yaqin aloqalarga ega ekanligi alohida taʼkidlangan.

Siyosat

08.11.2025, 15:19

Jurnalistlar qotilliklari ochilmay qolmoqda — BMT bosh kotibi

Butun dunyo boʻylab jurnalistlar oʻlimining qariyb 85 foizi hali ham ochilmay qolmoqda. «Chegarasiz muxbirlar» tashkiloti maʼlumotlariga koʻra, 2023–2025 yillar oraligʻida kamida 1163 jurnalist hibsga olingan, shulardan 568 nafari 48 mamlakatda hanuz qamoqda qolmoqda. Hibsga olish holatlarining yarmidan koʻpi Belarus, Xitoy, Isroil, Myanma va Rossiya Federatsiyasiga toʻgʻri kelgan.

Jahon

08.11.2025, 11:58

AQSh Suriya prezidentini terrorchilar roʻyxatidan chiqardi

Suriya muvaqqat prezidenti lavozimini egallab turgan Ahmad ash-Sharʼa Vashingtonning terrorchilar roʻyxatidan chiqarildi. Shuningdek, mamlakat ichki ishlar vaziri Anas Hasan Hattob ham mazkur roʻyxatdan chiqarilgani haqida 7 noyabr kuni AQSh Davlat departamentining rasmiy saytida maʼlum qilindi. Biroq Vashingtonning bu qadami sanksiyalarni toʻliq bekor qilish emas, balki «shartli yumshatish» hisoblanadi. 

Jahon

08.11.2025, 10:02

AQSh Oʻzbekiston uchun Jekson-Venik tuzatishini bekor qiladi

Senator Jeyms Rish AQSh Kongressida Markaziy Osiyo davlatlari, jumladan Oʻzbekiston uchun Jekson-Venik tuzatishini bekor qilish boʻyicha qonun loyihasini taqdim etdi. Senatorning fikricha, Markaziy Osiyo davlatlari «oʻta murakkab geosiyosiy qurshovda» qolgan.

Oʻzbekiston

07.11.2025, 15:06

Qozogʻiston "Ibrohim kelishuvlari"ga qoʻshilmoqchi

Oq uyda boʻlib oʻtgan uchrashuvda Qozogʻiston prezidenti Qasim-Jomart Toqayev Isroil Bosh vaziri Binyamin Netanyaxu bilan telefon orqali muloqot qildi. Suhbatning asosiy mavzusi Qozogʻistonning «Ibrohim kelishuvlari»ga qoʻshilish niyati boʻldi. Toqayevning taʼkidlashicha, ushbu qaror mamlakatning xalqaro tinchlik va muloqotni rivojlantirish, BMT Nizomi asosida xalqaro huquqni qoʻllab-quvvatlashga boʻlgan intilishini koʻrsatadi.

Siyosat

07.11.2025, 11:25