Ozarbayjon va Moskva oʻrtasida keskinlik kuchaymoqda

Bunga sabab soʻnggi voqealar tufayli Boku va Moskva oʻrtasidagi munosabatlarda yuzaga kelgan taranglik boʻlgan. Jumladan, 27 iyun kuni Yekaterinburg shahrida FXX xodimlari tomonidan ozarbayjonliklar yashaydigan uylar reyd qilingan, natijada Ziyoddin va Guseyn Safarov ismli ikki aka-uka halok boʻlgan. Ozarbayjon Tashqi ishlar vazirligi Rossiya huquqni muhofaza qilish organlarining harakatlarini zoʻravonlik deb baholab, voqea milliy kelib chiqish bilan bogʻliq boʻlganini bildirgan. Bu hodisa mamlakatda norozilik va norasmiy norozilik aksiyalarini keltirib chiqargan.

Bundan tashqari, Boku oʻtgan yil oxirida Rossiya havo hududida urib tushirilgan AZAL aviakompaniyasi samolyoti bilan bogʻliq hodisani ochiq tergov qilishni talab qilmoqda. Ozarbayjon bu voqeada aybdorlarni aniqlab, jazolash hamda jabrlanganlarga tovon toʻlash zarurligini taʼkidlamoqda.

Shuningdek, Ozarbayjon TIV Rossiya tomonidan bu masalalarni hal qilishga doir yetarli choralar koʻrilmaganini tanqid qilib, Rossiya rasmiylari va ommaviy axborot vositalarini yolgʻon axborot tarqatganlikda ayblagan. Boku bunday vaziyatda MDH majlisida ishtirok etishni nomaqbul deb hisoblagan.