“Normandiyada bir yil” – Devid Xoknining 70 metrlik asari taqdim etildi

Devid Xoknining Bayeux Tapestry (Bayyo kashtasi - bu mashhur oʻrta asr sanʼat asari boʻlib, 1066 yildagi Angliyani normanlar bosib olish voqealarini tasvirlaydi)va Normandiyadagi fasllar almashinuvidan ilhomlanib yaratgan 70 metrlik “Normandiyada bir yil” nomli epik sanʼat asari Londondagi yangi nufuzli koʻrgazmaning asosiy durdonasiga aylandi.

2019 yilda Normandiya qishlogʻiga koʻchib oʻtgan Britaniya sanʼatining yorqin namoyandasi Devid Xokni oʻzini butunlay qishloq hayoti ohanglariga bagʻishladi.

Atrofi mevali bogʻlar, ilonizi yoʻllar va oʻzgaruvchan osmondan iborat muhitda britaniyalik rassom bir necha oy davomida fasllarning almashinishini kuzatdi va koʻpincha tabiat qoʻynida ijod qildi.

Oʻzining Apple iPad qurilmasi yordamida Xokni ochiq havoda eskizlar va rasmlar chizib, uyi atrofidagi yorugʻlik, ob-havo hamda ranglardagi nafis oʻzgarishlarni aks ettirdi.

Bu kundalik kuzatuvlar oxir-oqibat uning uzoq yillik faoliyatidagi eng mahobatli asarlaridan biriga aylandi.