Oʻzbekiston Afgʻonistonga insonparvarlik yordami joʻnatdi

Prezident Shavkat Mirziyoyevning topshirigʻiga asosan, afgʻon xalqiga 169 tonnadan ortiq zarur oziq-ovqat mahsulotlari ortilgan navbatdagi insonparvarlik yuklari karvoni “Ayritom” chegara oʻtkazish punkti orqali qoʻshni mamlakatning Balx viloyatiga yetkazildi. Bu haqida UzA.uz xabar berdi.

Insonparvarlik yordami tarkibidan 48 tonna un, 48 tonna bugʻdoy, 15 tonna oʻsimlik yogʻi, 10 ming 80 dona konservalangan goʻsht mahsulotlari (tushyonka), 22 tonna makaron, 24 tonna shakar hamda 100 ming dona tez tayyorlanadigan lapsha (Hot lanch) oʻrin olgan.

Eslatib o‘tamiz, aprel oyining boshida O‘zbekiston Afg‘onistonga 15 turdagi 2,7 tonna urug‘likni yordam sifatida yetkazib bergan edi.