Oʻzbekiston aholisining 49 foizi qishloqlarda yashaydi

Shundan shahar joylarida 19 mln 296,4 ming kishi (jami aholining 51 foizi), qishloq joylarida esa 18 563,3 ming kishi (49 foiz) istiqomat qilmoqda. Erkaklar 19 065,8 ming kishini (50,4 foiz), ayollar esa 18 793,9 ming kishini tashkil etmoqda.

Mamlakatda 2025 yilning yanvar-iyun oylarida qayd etilgan tirik tugʻilganlar soni 405,5 ming kishini, har ming aholiga nisbatan tugʻilish koeffitsiyenti 21,7 promilleni tashkil etdi. Tugʻilganlar soni joriy yilning yanvar-iyun oylarida 2024 yilning mos davriga nisbatan 14,4 ming nafarga kamaygan.

Shundan oʻgʻil bolalar soni 209,6 ming kishini (jami tugʻilganlar soniga nisbatan 51,7 foiz), qiz bolalar soni 195,9 ming kishini (48,3 foiz) va shahar joylarida 197,8 ming kishini (48,8 foiz), qishloq joylarida 207,7 ming kishini (51,2 foiz) tashkil etdi.

Vafot etganlar soni 84,1 ming kishini, har ming aholiga nisbatan oʻlim koeffitsiyenti 4,5 promilleni tashkil etdi. Vafot etganlar soni joriy yilning yanvar-iyun oylarida 2024 yilning mos davriga nisbatan 2,7 ming nafarga koʻpaygan.

Shundan erkaklar 46,2 ming kishini (jami vafot etganlar soniga nisbatan 54,9 foiz), ayollar 37,9 ming kishini (45,1 foiz) va shahar joylarida 45,6 ming kishini (54,2 foiz), qishloq joylarida 38,5 ming kishini (45,8 foiz) tashkil qildi.