Oʻzbekistonning davlat qarzi 46,85 mlrd dollarni tashkil etdi

2025 yil yakuniga koʻra, Oʻzbekistonning jami davlat qarzi (tashqi va ichki) 46,85 mlrd dollarni tashkil qildi. Bu yalpi ichki mahsulot (YaIM)ning 31,9 foiziga teng.

Tahlillarga koʻra, tashqi qarzning 83 foizi xorijiy valyutada jalb qilingan. Qarz majburiyatlarining 40 foizi oʻzgaruvchan foiz stavkalariga ega. Shuningdek, qarz portfelining asosiy qismi uzoq muddatli boʻlib, qisqa muddatli majburiyatlar deyarli mavjud emas.

Davlat qarzining qolgan qismi — 7,03 mlrd dollari yoki 15 foizi ichki qarzga toʻgʻri keladi. Ichki qarzning YaIMga nisbati esa 4,8 foizni tashkil etgan.

Eslatib oʻtamiz, amaldagi qonunchilikka muvofiq, davlat qarzining YaIMga nisbati 60 foizdan oshmasligi lozim. Hozirgi qarz darajasi — qariyb 32 foiz — xalqaro mezonlar boʻyicha xavfsiz koʻrsatkich sifatida baholanmoqda.