"Avtoterrorizm"ga kim aybdor?

Javoblar turlicha boʻldi, soʻrovnomaning qaysidir qatnashchisi yoʻl-lokatsiyalar hodisalarining yuz berishiga odamlar aybdor desa, yana boshqa bir korrespondent mashina haydovchilari deya javob berdi. Bundan tashqari, javoblar orasida YTHlarning asosiy sababchisi hukumat tomonidan chiqarilayotgan qarorlar ekanligini aytganlar ham bor.

"Yuz berayotgan yoʻl-lokatsiyalar hodisalariga davlat sababchi chunki yoʻllar qisqa, piyodalar harakatlanishiga yoʻlaklar yoʻq ", deydi oʻrta yoshlar chamasidagi erkak.

Shuningdek, soʻrovnomaning boshqa bir ishtirokchisi poytaxt Toshkentda YTHlar koʻpayayotganiga viloyatdan kelgan fuqarolar sababchiligini aytdi.

"Shaharda kuzatilayotgan avariyalar soni viloyatdan kelgan odamlar sababli ortmoqda. Yoʻllarni kuzatsangiz, viloyatliklar mingan mashinalar soni koʻp. Menimcha, ularning mashinalari kamroq harakatlansa, YTHlar kuzatilmasdi", deydi korrespondent.

Bundan tashqari, soʻrovnoma qatnashchilari yoʻl-lokatsiyalar hodisalarini oldini olish uchun oʻzlarining takliflarini ham berdi. Ularga koʻra, jazo choralari qatʼiy belgilansa, yuqoridagi dilni xira qiladigan voqealar kuzatilmaydi.

"Oliy Majlis qonunchilik palatasi, Oliy Majlis senati tezkorlik bilan qonun ishlab chiqishi kerak. Blogerlar, jurnalistlar va boshqa jamoatchilik faollari bunga befarq qaramasligi kerak. Yoʻl harakati xavfsizligi xodimlari bosh boʻlib jamoatchilik vakillari bilan reyd oʻtkazishi lozim", deydi korrespondent.

Shuningdek, yana bir qatnashchi qoidabuzarlarning jarima miqdori oshirilsa YTHlar kamayishini aytdi.

"Qonun-qoidalarni kuchaytirib, jazolarni muqarrar qilish kerak. Bundan tashqari, odamlar topadigan oylik miqdoridan kelib chiqib jarima qoʻllanmasa, 20 million soʻm oylik oladigan fuqaro 300 ming soʻm jarima toʻlasa, bu uning navbatdagi qoida buzishiga toʻsiq boʻlolmaydi",  deydi boshqa bir korrespondent.