Namanganda kredit qarzdorligi uchun toʻyxona xatlandi

Namangan shahrida faoliyat koʻrsatib kelayotgan «M.P.» MChJ tadbirkorlik faoliyatini kengaytirish maqsadida katta miqdordagi kredit oladi. Biroq, mablagʻni olib, toʻlovlarni qaytarish majburiyati bajarilmaydi. Natijada bank daʼvo bilan sudga murojaat qilib, qarzdorlikni qaytarish boʻyicha yakuniy qaror chiqadi.

Ijro hujjatiga koʻra undiruvchi «Trastbank» ATB foydasiga qarzdor MChJ dan 1 mlrd 113 mln soʻm kredit qarzdorlikni undirilishi belgilangan.

Shuningdek, undiruv garovdagi toʻyxonaga qaratilishi koʻzda tutilgan.

Olib borilgan ijro harakatlari davomida Byuroning viloyat boshqarmasi xodimlari tomonidan garovdagi toʻyxona bino-inshootlari xatlab qoʻyildi.

Hozirda toʻyxonani baholash va auksion savdolariga chiqarish choralari koʻrilmoqda.