Oʻzboshimchalik bilan qurilgan imoratlar “tekislanadi”

“Agentlikning Toshkent shahar boshqarmasi va uning hududiy boʻlimlarida “Dolzarb 40 kunlik” doirasida yer nazorati ishlarini faollashtirish, oʻzboshimchalik bilan egallab olingan yerlarni aniqlash va qonunbuzilish holatlariga nisbatan keskin choralarni koʻrish uchun doimiy ishchi guruhlar tuzilib, oʻz ish faoliyatini boshladi”

Eslatib oʻtamiz, hujjati yoʻq uylarga kadastr hujjatlarini qilib berish boshlanishi haqidagi xabarlar tarqalganidan keyin ayrim “uddaburonlar” tezkorlik bilan bino qurib, “bu uyni 5-10 yil oldin qurganman deb iddao qilsam hujjatlashtirib olaman” deya, ish boshlashi natijasida hududlarda yerlarni oʻzboshimchalik bilan egallab, qurilish qilayotganlar talaygina uchramoqda.

Ammo Kadastr agentligi tomonidan yerlarning holatini oʻrganish boʻyicha kosmik sʼyomkalar, xaritalari bor. Ular yordamida 5-10 yil, hatto 20 yil ortga qaytarib tekshirish mumkin.