Toshkent davlat pedagogika universiteti binosi sotuvga qo‘yildi

Nizomiy nomidagi Toshkent davlat pedagogika universitetining Chilonzor tumanidagi bosh binosi 886,6 mlrd boshlang‘ich narx bilan sotuvga qo‘yildi. 

Shuningdek, oliygohning boshqa tumanlarda joylashgan fakultetlari binolari ham alohida lotlar bilan sotuvga chiqarildi.

Hozirgi kunda Toshkent davlat pedagogika universitetining yettita fakulteti tarqoq joylashgan.

Shu bois Yangi Toshkent hududida universitet uchun qirq gektarlik maydonda 20 ming talabaga mo‘ljallangan o‘quv binolari qurilmoqda.

Yangi binolar quyidagi iborat:

• 5 ming o‘rinli yotoqxona;
• 300 o‘rinli bog‘cha;
• 616 o‘rinli maktab;
• 588 o‘rinli akademik litsey, sport va madaniyat saroylari, amfiteatr va boshqa inshootlar.

Shuningdek, o‘qituvchilar uchun 286 o‘rinli turar joy, talabalar uchun 2 ming o‘rinli yotoqxona qurilishi rejalashtirilgan.

Yana qaysi obyektlar sotuvga qo‘yildi?

Yangi Toshkentga ko‘chish munosabati yana bir qator davlat obyektlari boshlang‘ich narx bilan sotuvga chiqarildi:

• Kambag‘allikni qisqartirish va bandlik vazirligining ma’muriy binosi – 180 mlrd so‘m;

• 

• Texnik jihatdan tartibga solish agentligining ma’muriy binosi – 279,8 mlrd so‘m;

  

• Bektemir tumani hokimligining ma’muriy binosi – 40,1 mlrd so‘m;

  

• “O‘zbekipaksanoat” uyushmasining ma’muriy binosi – 70,1 mlrd so‘m;

  

• Shayxontohur tumani hokimligining ma’muriy binosi – 101,6 mlrd so‘m;

  

• Agrosanoat majmuyi ustidan nazorat qilish inspeksiyasining ma’muriy binosi – 73,4 mlrd so‘m.