updated: 22.03.2026, 16:29

Toshkent shahrida uy-joy ijarasi narxlari arzonligi boʻyicha Sergeli va Uchtepa tumanlari yetakchi

Makroiqtisodiy va hududiy tadqiqotlar instituti (MHTI) mutaxassislari 2024-yilning aprel oyida Toshkent shahrida uy-joylar uchun taklif etilgan ijara narxlarini tahlilini eʼlon qildi. Unda keltirilishicha shahardagi ijara narxlari oʻtgan oyda kuzatilgani kabi pasayishda davom etmoqda.

Oʻzbekiston

20.05.2024, 16:21

Кириллчада

Ulashish:

Sergeli va Uchtepa tumanlari uy-joy ijara narxlari bo'yicha nisbatan arzon

2024-yilning aprel oyida poytaxtda oʻrtacha taʼmirlangan xonadonlar uchun ijara narxlari mart oyidagiga nisbatan oʻrtacha 0,9 foizga, toʻliq taʼmirlangan xonadonlar uchun esa oʻrtacha 1,12 foizga pasaygan.

Oʻrtacha taʼmirlangan uy-joy ijarasi. 2024-yilning aprel oyida oʻrtacha taʼmirlangan 1 xonali turar joy uchun taklif etilgan ijara narxlari mart oyidagiga nisbatan oʻrtacha 1,4 foizga pasayib, 386 AQSh dollarini tashkil etgan boʻlsa, 2 xonali xonadonlar uchun ijara narxlari 0,4 foizga pasaygan va 434 dollargacha tushgan. Shuningdek, oʻrtacha taʼmirlangan 3 va 4 xonali turar joylar uchun ijara narxlari mos ravishda 1,3 foiz va 0,6 foizga pasaygan va oʻrtacha narxlar 507 va 587 dollarni tashkil etgan.

Oʻrtacha taʼmirlangan uy-joy uchun nisbatan arzon ijara narxlari Sergeli (1 xonali - 350 dollar, 2 xonali - 384 dollar ,3 xonali - 429 dollar, 4 xonali - 441 dollar), Olmazor (1 xonali - 361 dollar, 2 xonali - 408 dollar, 3 xonali - 449 dollar, 4 xonali - 477 dollar) tumanlarida taklif etilgan boʻlsa, eng qimmat ijara narxlari Shayxontohur (1 xonali - 412 dollar, 2 xonali - 449 dollar, 3 xonali - 524 dollar, 4 xonali - 627 dollar) va Mirobod (1 xonali - 457 dollar, 2 xonali - 518 dollar, 3 xonali - 612 dollar, 4 xonali - 798 dollar) tumanlarida kuzatildi.

Toʻliq taʼmirlangan uy-joy ijarasi. Aprel oyida toʻliq taʼmirlangan 1 xonali turar joylar uchun oʻrtacha ijara narxi 467 dollarni tashkil etib, oʻtgan mart oyidagiga nisbatan 0,8 foiz tushgan boʻlsa, 2 xonali turar joylar uchun ushbu koʻrsatkichlar mos ravishda 631 dollarni va 2,1 foizni tashkil etgan. Shuningdek, 3 xonali turar joylar uchun taklif etilgan oʻrtacha ijara narxlarida (784 dollar) ham biroz (0,4 foiz) pasayish kuzatildi. Shuningdek, toʻliq taʼmirlangan 4 xonali turar joylar oʻrtacha ijara narxlari ham 1,1 foiz tushib, 901 dollargacha pasaygan.

Toʻliq taʼmirlangan turar joylar uchun eng arzon ijara narxlari Uchtepa (1 xonali - 392 dollar, 2 xonali - 484 dollar, 3 xonali - 619 dollar, 4 xonali - 736 dollar) va Chilonzor (1 xonali - 413 dollar, 2 xonali - 512 dollar, 3 xonali - 652 dollar, 4 xonali - 774 dollar) tumanlarida, eng qimmat ijara narxlari esa Shayxontohur (1 xonali - 557 dollar, 2 xonali - 846 dollar, 3 xonali - 1069 dollar, 4 xonali - 1068 dollar) va Mirobod (1 xonali - 541 dollar, 2 xonali - 839 dollar, 3 xonali - 1028 dollar, 4 xonali - 1093 dollar) tumanlarida kuzatildi.

Ijara narxlari toʻgʻrisidagi maʼlumotlar olx.uz (https://www.olx.uz/) platformasidan veb skreping (veb scraping) usulida toʻplandi. Bunda 2024-yilning mart oyi uchun 52.2 mingta va aprel oyi uchun 86 mingta maʼlumotdan foydalanildi. Ikkala davr uchun ham tahlil narxlar chegarasining yuqori va pastki 5 foizlik kvantillari chiqarib tashlangandan keyin amalga oshiriligan.

Oʻzbekiston

20.05.2024, 16:21

Ulashish:

#toshkent #ijara

Mavzuga oid yangiliklar