Yashnobodda ijaraga olingan uyda narkolaboratoriya aniqlandi

Toshkentda “zakladchik”lar guruhi va narkolaboratoriya aniqlandi. Bu haqda Ichki ishlar vazirligi xabar qildi.

Qayd etilishicha, 2025 yil, 22 oktabr kuni poytaxtda psixotrop moddalarni “zakladka” usulida tarqatuvchi uyushgan jinoiy guruh aʼzolarining 4 nafari ashyoviy dalillar bilan qoʻlga tushdi.

Uchtepa tumanida ularning 2 nafari tekshirilganida yonlaridan 353 dona “Pregabalin” va 25 dona “Tropikamid” kuchli taʼsir qiluvchi vositalari topilgan.

Tezkor tadbirlar davomida Yashnabod tumanida fuqarolar vaqtincha yashab kelgan xonadonda narkolaboratoriya tashkil etilgani ham aniqlangan. U yerdan 50 kilogramm va 1200 dona qadoqlangan pregabalin, 2 kilogramm hamda 400 dona qadoqlangan tropikamid, 2 litrda xomashyolar, 112 ming ta qadoqlash uchun kerakli vositalar aniqlangan.

“Zakladka” – narkotik moddalarni ommaga tarqatish usuli: sotuvchilar dorini kichik toʻpcha yoki xaltachalarga solib, ommaviy joylarda (toshlar osti, daraxt taglari, binolar atrofi va h.k.) yashirib qoʻyadi, xaridor ularning manzilini xabar yoki ilova orqali olib, moddani olib ketadi.