Fargʻonada JQB xodimlari ota-bolani kaltakladi

Abduraxmon Tashanovning tushuntirishicha, qiynoq natijasida boshi yorilgan, tanasi momataloq boʻlgan Husanboy Jumaboyev oʻzining nima sababdan chaqirilgani, nima sababdan kaltaklanganini ham bilmaydi.

Qoʻliga kishan solinib, 4 nafar IIB xodim tomonidan shafqatsiz qiynoqqa solingan Adhamjon Muhammadjonov esa muqaddam JKning 104-moddasi bilan sudlanib, axloq tuzatish ishlariga jalb qilingan.

“Meni profilaktik suhbat uchun taklif qilishgandi. Otam birga qoʻshilib kelgandi. Ikkimizni ham sababsiz urib tashlashdi. Otamning ahvoli yomon, hozir koʻp joyga shikoyat berdik”, -  deydi Muhammadjonov.

Tungi soat 01:25 da IIB xodimlari tez yordam chaqirishdi. Mazlumlar zoʻrovonlarning qoʻlidan qutulish uchun yengil malham olganlaridan soʻng tez yordamga javob berishdi. IIB mulozimlari “Sizlarga 219-moddani qoʻyib, javobgar qilmoqchiydik, haliyam indamadik”, - deb qoʻyib yuborishdi.

"Mazlumlar bugun shifoxonaga tushdi, IIB JQB xodimlarining ismi Muzaffar, Elshod Aminov. Taxmin qilmoqdamanki, Fargʻona viloyati IIB matbuot xizmati “hammasi joyida”, degan bayonot berishadi lozim topishsa. Tizimga ishonchim allaqachon oʻlgan. Bu yerdagi zoʻrovonlik va shafqatsizlikka yuqoridan qoʻllov bor, shunday boʻlmaganida chora koʻrilar edi", - deya oʻz fikrini bildirdi Abduraxmon Tashanov.