Qarshi, Margʻilon va Nukusda energiya oʻgʻirliklari aniqlandi

Bosh prokuratura huzuridagi Departamentning Qarshi shahri boʻlimi tomonidan oʻtkazilgan tezkor tadbir oʻtkazilgan.

Unda fuqaro F.X. kompyuter oʻyinlarini tashkil etgan binoda elektr tarmogʻiga oʻzboshimchalik bilan toʻgʻridan-toʻgʻri ulanib, 207,6 mln soʻmlik elektr energiyasidan noqonuniy foydalanganligi aniqlangan.

Departamentning Margʻilon shahri boʻlimi tomonidan oʻtkazilgan tergovga qadar tekshiruvda fuqaro M.S. “Rohat” MFY hududidagi umumiy ovqatlanish shoxobchasida tabiiy gaz tarmogʻiga oʻzboshimchalik bilan toʻgʻridan-toʻgʻri ulanib, 117,9 mln soʻmlik tabiiy gazdan noqonuniy foydalanganligi aniqlangan.

Departamentning Nukus shahri boʻlimi tomonidan oʻtkazilgan tergovga qadar tekshiruvda “I.R.” MChJ masʼul shaxslari “Yoshlar istirohat” bogʻining qurilish ishlarida elektr tarmogʻiga oʻzboshimchalik bilan toʻgʻridan-toʻgʻri ulanib, 106,8 mln soʻmlik tabiiy gazdan noqonuniy foydalanganliklari aniqlangan.

Mazkur holatlar yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari oʻtkazilmoqda.