Qayta tiklanuvchi energiya manbalarini rivojlantirish sohasida muhim shartnomalar imzolandi

24 iyul kuni “Wind and Solarshine for electricity distribution panels manufacturing” MChJ va “China Energy International Group” oʻrtasida yashil energetikani rivojlantirish va mamlakat energetika infratuzilmasini modernizatsiya qilishga qaratilgan uchta shartnoma imzolandi.

Xususan:

1. Buxoro viloyatining Peshku tumanidagi 500 MVt quvvatli shamol elektr stansiyasi loyihasi boʻyicha konsultatsiya koʻrsatish bitimi.

Maʼlumot uchun: Loyiha mintaqadagi eng yirik loyihalardan biri boʻlib, yuz minglab xonadonlarni toza energiya bilan taʼminlashga xizmat qilmoqda.

2. Toshkent shahrida 100 MVt quvvatli elektr energiyasini saqlash tizimi loyihasi boʻyicha konsultatsiya koʻrsatish bitimi.

3. Qurilish ishlarini bajarish uchun EPS shartnomasi.

Ushbu loyihalar Oʻzbekistonning barqaror rivojlanish maqsadlariga erishish va kam uglerodli iqtisodiyotga oʻtish boʻyicha milliy dasturining bir qismi boʻlib hisoblanadi.