Rasman: WBA Shahram Gʻiyosov ishtirokidagi chempionlik jangiga buyruq berdi

Mazkur vazn toifasidagi amaldagi chempion Rolando Romero oʻz kamarini oʻzbekistonlik majburiy daʼvogar Shahram Gʻiyosovdan himoya qilishi belgilab qoʻyildi.

Bokschilarning jamoalariga muzokaralar oʻtkazish uchun 30 kun vaqt berildi. Muddat 13 noyabr kuni nihoyasiga yetadi. Bu vaqt davomida tomonlar kelishuvga erisha olmasa, jangni tashkil etish promouterlar oʻrtasida ochiq savdo oʻtkaziladi. 

Maʼlumot uchun, amerikalik 30 yoshli Rolando Romero faoliyati davomida hozirga qadar 19 ta jang oʻtkazib, 17 gʻalaba va 2 magʻlubiyat qayd etgan. U soʻnggi jangida hamyurti Rayan Garsiyadan ustun kelgandi. 32 yashar Shahram Gʻiyosov hisobida esa 17 ta gʻalaba bor. Hamyurtimiz 14 noyabr kuni Toshkentda rossiyalik Mark Urvanov bilan jang qiladi.