Sirdaryoda ota nogiron oʻgʻlidan aliment talab qildi

Unga koʻra, Sirdaryo viloyati Guliston tuman sudiga uch nafar farzandning otasi toʻngʻich farzandidan aliment talab qilib daʼvo arizasi kiritgan. Erkak turmush oʻrtogʻi va farzandlari bilan yashamasligini, hozirda sogʻligʻi yomonlashganini aytgan. Shuningdek, u moddiy tomondan qiynalib qolgani, farzandi esa unga yordam bermayotganidan shikoyat qilgan.

“Ota oʻzining mol-mulkini oʻgʻlining nomiga oʻtkazib bergan. Sud majlisida  u farzandiga bergan uy va doʻkonlarni qaytarib bersa, alimentdan voz kechishini aytgan. Lekin oʻgʻil bunga rozi boʻlmagan”,

 deydi matbuot kotibi..

Ammo sud otaning daʼvosini rad etgan. Chunki u nafaqa yoshiga yetmagan va mehnatga layoqatsiz boʻlmagan. Ota daʼvo qilayotgan farzand esa 1-guruh nogironi boʻlgan. Shuningdek, oʻgʻil ukasi va voyaga yetmagan singlisining moddiy taʼminoti uchun masʼulligi aniqlangan.