Markaziy Osiyo davlatlari yagona media platformasini yaratmoqchi

Unda qayd etilishicha, tadbirda Qozogʻiston Respublikasi madaniyat va axborot boʻyicha vitse-vaziri Kanat Iskakov, Tojikiston Respublikasi Televideniye va radioeshittirish davlat qoʻmitasi raisi Nuriddin Said, Oʻzbekiston Respublikasi Axborot va ommaviy kommunikatsiyalar agentligi direktori birinchi oʻrinbosari Dilshod Saidjanov, Turkmaniston davlat televideniye, radio va kinematografiya qoʻmitasi raisi oʻrinbosari Annasaxet Kakaev hamda Qirgʻiziston Respublikasi Madaniyat, axborot, sport va yoshlar siyosati vazirligi Xalqaro aloqalar va investitsiyalar jalb qilish boʻlimi boshligʻi Nusubali Jakipbekov ishtirok etgan. 

Uchrashuv davomida davlat vakillari media savodxonligini oshirish va soxta maʼlumotlarni tarqatishga qarshi kurashish choralarini muhokama qilgan. Shuningdek, tadbirda media sohasidagi global chaqiriqlarga qarshi birgalikda kurashishning muhimligi haqida gapirilgan. 

"Bundan tashqari, tomonlar Markaziy Osiyo telekanali va mintaqaviy media platformasi yaratish imkoniyatlarini koʻrib chiqishga kelishib oldi", 

deyiladi xabarda.

Tadbir yakunida axborot sohasidagi vakolatli organlarning vakillari oʻz davlatlarining media sohasidagi integratsion jarayonlarda faol ishtirok etishga tayyor ekanliklarini bildirgan.