Shakira Jahon chempionatining rasmiy “Dai Dai” qo‘shig‘ini taqdim etdi

49 yoshli san’atkor payshanba kuni Instagram’da Braziliyaning Marakana stadionidan turib, nigeriyalik xonanda Burna Boy bilan kuylangan treyzer-videoni joylashtirdi. Qo‘shiq 14-may kuni ommaga taqdim etiladi.

Videolavhada xonanda bir guruh raqqos va raqqosalar bilan birga ko‘rinish beradi. Ular Meksika, AQSH va Kanadada 11-iyundan 19-iyulgacha bo‘lib o‘tadigan turnir ishtirokchisi bo‘lgan bir nechta terma jamoa ranglaridagi liboslarda namoyon bo‘lishgan.

Videoda 2006, 2010 va 2014-yilgi Jahon chempionatlarining rasmiy to‘plari ham ko‘rsatilgan bo‘lib, bu Shakira musiqiy jihatdan muhim rol o‘ynagan turnirlarga ishora qiladi.

Lotin pop yulduzi Janubiy Afrikada bo‘lib o‘tgan 2010-yilgi Jahon chempionatining rasmiy madhiyasi — “Waka Waka (This Time for Africa)” qo‘shig‘ini ham ijro etgan.

U 2006-yilda Germaniyadagi Jahon chempionati hamda 2014-yilda Braziliyadagi turnir marosimlarida o‘zining “Hips Don’t Lie” va “La La La (Brazil 2014)” xitlarini kuylagan.