B2 sertifikati yoʻq ingliz tili oʻqituvchilari yil oxirigacha ishlaydi

Talab kuchida qoladi — barcha xorijiy til oʻqituvchilari kamida B2 darajadagi milliy yoki xalqaro sertifikatga ega boʻlishi shart. Ammo istisno tariqasida sertifikatsiz pedagoglarga oʻquv yilining 1 va 2-choraklari davomida ishlash imkoniyati berildi.

Sertifikati amal qilish muddati oʻquv yili mobaynida tugab qolgan oʻqituvchilarga ham yil oxirigacha ishlashga ruxsat etildi.

Boʻsh oʻrinlarni toʻldirish uchun oliy taʼlim muassasalarining xorijiy tillar yoʻnalishida tahsil olayotgan va B2 sertifikatiga ega 3-4-kurs talabalari jalb qilinadi.

Shuningdek, 1 dekabrga qadar sertifikatsiz oʻqituvchilar uchun qoʻshimcha tayyorlov mashgʻulotlari tashkil etiladi.