Toshkent havosini tozalash: ekologiya idorasi qanday choralar koʻrdi?

Bu haqda Ekologiya va iqlim oʻzgarishi boʻyicha Milliy qoʻmita matbuot xizmati xabar berdi.

Koʻrsatilgan natija Maxsus komissiya tomonidan amalga oshirilgan ishlar samarasi sifatida qayd etilmoqda.

Issiqxonalarda:

• 1449 ta issiqxona tekshirildi
• 67 tasining faoliyati toʻxtatildi
• 403 shaxsga maʼmuriy bayonnoma tuzildi
• «Hududgaztaʼminot» filiallari 19 ta issiqxonaga gaz tarmogʻiga ulanish uchun texshartlar berdi

Qurilish obʼektlarida:

• Jami 6,3 gektar maydonda 53 ta noqonuniy qurilish aniqlanib, yoʻq qilinyapti
• 186 holatda havo ifloslanishi qayd etildi
• 235 ta qurilish obʼektlaridan 25 foizi obodonlashtirilmagan
• 34 ta obʼektda qurilish ishlari vaqtincha toʻxtatildi
• 188 shaxs maʼmuriy javobgarlikka tortildi
• 51 obʼektda changni kamaytirish uchun sugʻorish uskunalari oʻrnatildi

Transport yoʻnalishida:

• Yuki brezent bilan qoplanmagan 837 haydovchi jarimaga tortildi
• Normadan ortiq ifloslanish manbai boʻlgan 206 haydovchiga maʼmuriy chora koʻrildi

Mikroklimatni barqarorlashtirish uchun:

• 77 ta koʻcha va 165 ta jamoat joyi sugʻorildi va namlantirildi (496 km²)
• 121 km ariq tozalandi, ularga 45 ta kanaldan suv keltirildi
• 126 ta favvora ishga tushirildi

Bundan tashqari, Toshkent viloyatida daryo va jilgʻalardan qum hamda shagʻal noqonuniy qazib olishning 54 ta holati aniqlandi. Aybdorlarni javobgarlikka tortish boʻyicha ishlar olib borilmoqda.

Ekologiya qoʻmitasiga koʻra, yangi antitsiklonning kirib kelishi (29 noyabrdan 5 dekabrgacha) inversiya holatlarining koʻpayishi va havo ifloslanishi koʻrsatkichlarining qisman oʻsishiga sabab boʻlishi mumkin.

«Qabul qilingan choralar natijasida Toshkent havosidagi ifloslanish darajasi maʼlum darajada pasaydi. Maxsus komissiya tezkor choralarni davom ettiradi va jamoatchilikni muntazam xabardor qilib boradi», — deyiladi xabarda.

Eslatib oʻtamiz, Prezident Shavkat Mirziyoyev Toshkent shahrida ekologik vaziyatni yaxshilashga qaratilgan favqulodda chora-tadbirlar toʻgʻrisidagi farmonni imzolagandi. Unga muvofiq poytaxtdagi ekologik muammolarni hal etish uchun Maxsus komissiya tuzilgan.