Toshkent metro bekatlarida kassalar 9 dekabrdan yopiladi

Qaysi bekatlar?

— “Yerusti halqa yoʻli” yoʻnalishidagi 14 ta bekat
— “Paxtakor” bekati
— “Alisher Navoiy” bekati

Infokioskalarning afzalliklari

— Naqd pul aylanmasi kamayib, toʻlovlar shaffoflashadi;
— Chipta xaridi tezlashadi, navbatlar qisqaradi;
— QR-kodli chipta telefon orqali yoki chop etilgan kvitansiya koʻrinishida foydalanish mumkin.

Metrodagi toʻlov tizimidagi islohotlar

Bugungi kunda Toshkent metropolitenida yoʻl haqini toʻlashning 10 dan ortiq usuli mavjud. Elektron toʻlovlar ulushi ortib borayotgani sababli koʻplab bekatlarda avtomatlashtirilgan bankomatlar oʻrnatilmoqda.

Shu jarayon natijasida kassa operatorlariga boʻlgan ehtiyoj kamaymoqda. Birinchi bosqich doirasida 204 ta kassa operatori shtati amaldagi normativ hujjatlar asosida qisqartirildi.

Yil yakuniga qadar metropolitenning barcha bekatlarida bankomatlar oʻrnatilishi rejalashtirilgan boʻlib, shundan soʻng kassa operatorlari va katta operator lavozimlari toʻliq bekor qilinadi.