Тошкент метро бекатларида кассалар 9 декабрдан ёпилади

Қайси бекатлар?

— “Ерусти ҳалқа йўли” йўналишидаги 14 та бекат
— “Пахтакор” бекати
— “Алишер Навоий” бекати

Инфокиоскаларнинг афзалликлари

— Нақд пул айланмаси камайиб, тўловлар шаффофлашади;
— Чипта хариди тезлашади, навбатлар қисқаради;
— QR-кодли чипта телефон орқали ёки чоп этилган квитанция кўринишида фойдаланиш мумкин.

Метродаги тўлов тизимидаги ислоҳотлар

Бугунги кунда Тошкент метрополитенида йўл ҳақини тўлашнинг 10 дан ортиқ усули мавжуд. Электрон тўловлар улуши ортиб бораётгани сабабли кўплаб бекатларда автоматлаштирилган банкоматлар ўрнатилмоқда.

Шу жараён натижасида касса операторларига бўлган эҳтиёж камаймоқда. Биринчи босқич доирасида 204 та касса оператори штати амалдаги норматив ҳужжатлар асосида қисқартирилди.

Йил якунига қадар метрополитеннинг барча бекатларида банкоматлар ўрнатилиши режалаштирилган бўлиб, шундан сўнг касса операторлари ва катта оператор лавозимлари тўлиқ бекор қилинади.