Toshkent tumanida bolalar maydonchasida qotillik yuz berdi

Unga koʻra, mazkur voqea soat taxminan 22:50 larda Toshkent tumani "Ozodlik" mahallasi Keles dahasidagi bolalar maydonchasida yuz bergan. Mast holatda boʻlgan 2007 yilda tugʻilgan A.S. oʻziga avvaldan tanish boʻlgan, 2006 yilda tugʻilgan A.G. bilan bahslashib ketgan. 

Shundan soʻng A.S. oʻzi bilan olib yurgan oshxona pichogʻini oʻzidan bir yosh katta A.G.ning qorin va tanasining turli sohalariga bir necha marotaba sanchib, tan-jarohatlari yetkazgan. 

U Toshkent tumani Markaziy shifoxonaga yotqizilgan, biroq koʻrsatilgan tibbiy muolajalarga qaramasdan shifoxona jonlantirish boʻlimida vafot etgan. 

Mazkur holat yuzasidan tuman prokuraturasi tomonidan A.S.ga nisbatan Jinoyat kodeksining 97-moddasi 1-qismi bilan jinoyat ishi qoʻzgʻatilgan. A.S. gumonlanuvchi tariqasida ishga jalb qilinib, Jinoyat protsessual kodeksining 221-moddasi asosida.  ushlangan