Toshkent viloyatida 9-sinf oʻquvchisi kaltaklandi

Qayd etilishicha, holat 19 noyabr kuni Toshkent viloyati Oʻrtachirchiq tumanidagi 50-maktabda yuz bergan. Shu maktabning 9-sinf oʻquvchisi A.S. (oʻgʻil bola) jismoniy tarbiya darsi mashgʻulotida sinfdoshi A.E. bilan ziddiyat kelib chiqib, A.E. va boshqa oʻquvchilar tomonidan kaltaklangan.

"Buning oqibatida kaltaklangan bola tanasining turli joylariga jarohat yetkazilib, burun qismi shikastlangan. Hozirda holat yuzasidan tergovga qadar tekshiruv harakatlari olib borilmoqda. A.S. ga nisbatan sudga oid tibbiy ekspertiza tayinlandi", deyiladi ombudsman izohida.

Eslatib oʻtamiz, avvalroq Andijonda maktab direktori bir guruh oʻquvchilarni kaltaklagan edi.