Islom sivilizatsiyasi markaziga kirish narxlari maʼlum qilindi

Maʼlum qilinishicha, markaz xoʻjalik hisobi asosida ishlaydi va kirish pullik hisoblanadi. Majmua har kuni soat 09:00 dan 22:00 gacha, dam olish kunlarisiz faoliyat yuritadi.

Kirish narxlari quyidagicha:
— fuqarolar uchun (2 soatlik ekskursiya): 60 000 soʻm
— 13–18 yoshdagilar uchun: 25 000 soʻm
— individual sayohat: 120 000 soʻm
— maktab oʻquvchilari guruhlari uchun: 15 000 soʻm
— chet elliklar uchun: 25 dollar, bolalar uchun — 20 dollar

Biletlarni onlayn tarzda iTicket orqali yoki joyidagi kassalardan xarid qilish mumkin.

Markaz rahbari Firdavs Abduxoliqov kelgusida ijtimoiy himoyaga muhtoj aholi qatlamlari uchun alohida imtiyozlar joriy etilishini maʼlum qildi.