Hayit kuni Toshkentda jamoat transporti soat 04:00 dan ish boshlaydi

Bu haqda Oʻzbekiston Transport vazirligi xabar berdi.

Maʼlum qilinishicha, mazkur qaror fuqarolarga hayit namozida ishtirok etish uchun qulaylik yaratish, yoʻllarda tirbandliklarni kamaytirish hamda bayram kunlari xavfsiz va sifatli transport xizmatini taʼminlash maqsadida qabul qilingan.

Shuningdek, Prezident qaroriga koʻra, Oʻzbekiston musulmonlari idorasi axboroti asosida 20 mart — Ramazon hayiti sifatida keng nishonlanishi belgilandi.

Dam olish kunlari:
— 20 mart (juma) — Ramazon hayiti
— 21 mart (shanba) — Navroʻz
— 22 mart (yakshanba) — dam olish kuni
— 23 mart (dushanba) — 5 kunlik ish haftasi uchun dam olish kuni, 6 kunliklar uchun ish kuni

Shu tariqa, bayram kunlari munosabati bilan aholi uchun qoʻshimcha qulayliklar yaratilmoqda.