Navroʻz va Hayit arafasida 392 nafar mahbus afv etildi

Mazkur qaror Navroʻz umumxalq bayrami va Ramazon hayiti arafasida xalqimizga xos ezgulik, bagʻrikenglik va kechirimlilik tamoyillarini namoyon etish, shuningdek insonparvarlik siyosatining amaliy ifodasi sifatida qabul qilingan.

Farmonga muvofiq:
— 223 nafar shaxs asosiy jazodan toʻliq ozod etildi
— 82 nafar shaxs jazoni oʻtashdan muddatidan ilgari shartli ravishda ozod qilindi
— 34 nafarning ozodlikdan mahrum etish jazosi yengilroq jazo bilan almashtirildi
— 53 nafar shaxsning jazo muddati qisqartirildi

Afv etilganlar orasida 3 nafar chet el fuqarosi, 26 nafar ayol, 60 yoshdan oshgan 14 nafar erkak, 166 nafar yoshlar hamda 24 nafar taqiqlangan tashkilotlar faoliyatida ishtirok etgan shaxslar bor.

Farmon ijrosi doirasida afv etilganlarni oilasi bagʻriga qaytarish, ularning jamiyatga moslashuvi, mehnat faoliyati bilan shugʻullanishi hamda sogʻlom turmush tarzini yoʻlga qoʻyishi uchun masʼul idoralarga tegishli topshiriqlar berilgan.