Toshkent viloyatida fuqaro oʻttizdan ortiq ilonni koʻchaga qoʻyib yubordi

Aniqlanishicha, tumanning "Tuyabugʻuz" MFY hududida yashovchi 1980 yilda tugʻilgan fuqaro N.Yu. oʻzi yashayotgan xonadonida 30 dan ortiq Osiyo kobrasi ilonlarini ruxsatnomasiz saqlab kelgan. 

Nomaʼlum sabablarga koʻra, fuqaro N.Yu.ning xonadonida saqlanayotgan ilonlar ochiqqa qoʻyib yuborilgan. Bu holat mahalliy aholi tomonidan aniqlanib, 2 ta kobra iloni tutib oʻldirilgan.

"Hozirgi vaqtda ishchi guruh tomonidan shu yaqin atrofda yashovchi aholi xonadonlarida dorilash ishlari olib borilib, uy hayvonlarini vaqtincha tutqunlikda saqlab turish boʻyicha tushuntirish ishlari olib borilmoqda", deyiladi munosabatda.

Bundan tashqari, rasmiy izohda fuqaroga nisbatan IIB xodimlari tomonidan dastlabki surishtiruv ishlari olib borilayotganligi hamda holat yuzasidan batafsil axborot berilishi aytilgan. 

Maʼlumot uchun, Oʻrta Osiyo kobrasi ilonlari Naja oxiana nomi bilan ham ataladi. Bu turdagi ilonlar Markaziy Osiyo hududida keng tarqalgan boʻlib, ularning uzunligi 1 metrdan 1,4 metrgacha boʻladi (Kamdan-kam hollarda 1,7 metrgacha boʻlishi mumkin.