Jizzaxda fuqaro ilonni tiriklayin yeb yubordi

Unda aytilishicha, holat yuzasidan Zomin tumani boʻlimi va IIB xodimlari hamkorligida oʻrganish ishlari olib borilgan. Oʻrganish davomida ushbu holat  fuqaro  Q.H. tomonidan sodir etilganligi maʼlum boʻlgan.  

Fuqaro bu harakati bilan Oʻzbekiston Respublikasining "Hayvonot dunyosini muhofaza qilish va undan foydalanish toʻgʻrisida"gi qonunining 4, 30, 51, 53-moddalari talablarini buzgan. 

Davlat inspektorlari tomonidan fuqaroga nisbatan Maʼmuriy javobgarlik toʻgʻrisidagi kodeksning 90-moddasi 1-qismi bilan bazaviy hisoblash miqdorining 20 baravari (7,5 mln soʻm) miqdorida  jarima qoʻllanilgan. Shuningdek, 1 125 000 soʻm miqdorida tabiatga yetkazilgan zarar hisoblangan. 

Maʼlumot uchun, kulvor iloni (Natrix tessellata) — suvda va uning yaqinida yashaydigan ilon turi boʻlib, u odatda daryolar, koʻllar, botqoqlar va suv havzalari atrofida uchraydi. Tanasining uzunligi 1 metrgacha yetishi mumkin. 

Kulvor iloni odamlar uchun xavfsiz, zaharli emas va asosan baliq, qurbaqa hamda boshqa suv jonivorlari bilan oziqlanadi. U oʻzini xavf ostida his qilganda, oʻzini harakatsiz qilib koʻrsatishi mumkin.